Mulleres da Reconversión é un proxecto de memoria e comunicación desenvolvido para a Deputación da Coruña, centrado na recuperación do papel das mulleres durante a reconversión naval en Ferrolterra.

A través dun proceso participativo con grupos locais de Fene, recolléronse testemuños, materiais históricos e relatos de vida que deron lugar a unha peza documental, unha exposición itinerante e unha publicación dixital.

O proxecto combina investigación, creación de contidos e produción audiovisual cun enfoque feminista e comunitario, poñendo en valor unha parte da historia que durante décadas permaneceu invisibilizada.